काठमाडौं । वेस्ट इन्डिज ‘ए’ ले नेपाललाई २ सय २८ रनको विशाल लक्ष्य प्रस्तुत गरेको छ। टस जितेर पहिले ब्याटिङ गरेको वेस्ट इन्डिजले जोनसन चार्ल्सकाे अविजित शतकीय इनिङमा २ सय २७ रनको विशाल स्कोर तयार गरेको हो।
वेस्ट इन्डिजका लागि चार्ल्सले ६१ बलमा १३ चौका र ७ छक्का प्रहार गरे। त्यस्तै, आन्द्रे फ्लेचरले ५३ रनको अर्धशतकीय इनिङ खेल्दा फावियन एलनले १९ रन बनाए। त्यस्तै, केमो पउलले १३ रन जोड्दा एलिक अथान्जेले १७ रन बनाए।
नेपालका कुनै पनि बलर किफायती रहन सकेनन्। करण केसी र सागर ढकालले समान १-१ विकेट लिएका थिए।
Copyright © All right reserved to setomasi.com
Site By: SobizTrend Technology