थारु कल्याणकारिणी सभा देवदहको भवन शिलान्यास, थारु संग्रालय बनाइने

सेतोमसी
चैत्र १०, २०८० शनिवार

थारु कल्याणकारिणी सभा देवदहको भवन शिलान्यास, थारु संग्रालय बनाइने

अ +
अ
अ -

देवदह । रुपन्देहीको देवदह नगरपालिका–४, विजयपुरमा थारु कल्याणकारिणी सभा देवदह नगर समितिको भवन शिलान्यास गरिएको छ । शनिबार एक कार्यक्रमबीच लुम्बिनी प्रदेश सभा सदस्य निर्मलादेवी चौधरीले भवनको शिलान्यास गरेकी हुन् ।

भवनको शिलान्यास गर्दै प्रदेश सांसद चौधरीले भाषा, संस्कार र संस्कृतिको संरक्षणले मात्र जातीय पहिचान स्थापित गर्ने बताइन् । आफनो भाषा, संस्कार र संस्कृतिको बारेमा अबका नयाँ पिंढीलाई सिकाउन आवश्यक रहेको औल्याउदै उनले चेतनाको विकासले मात्र समृद्धि प्राप्त गर्न सकिने भएकोले यसको लागि थारुकल्याणकारिणी सभाले काम गर्नुपर्नेमा जोड दिइन् ।

भवनको लागि देवदह नगरपालिकाको ३ लाख र वडा कार्यालयको २ लाख गरी यस आर्थिक बर्षमा ५ लाख विनियोजन भएको उल्लेख गर्दै थारु कल्याणरिणी सभाका नगर अध्यक्ष चौधरीले थारुले भवनलाई संग्रालयको रुपमा विकास गरिने बताए ।

कार्यक्रममा देवदह नगरपालिका वडा नं ४ का वडाअध्यक्ष दमननाथ रेग्मी, थारु कल्याणकारिणी सभा रुपन्देहीका अध्यक्ष कमलनारायण चौधरी, नेपाल आदिवासी जनजाति महासंघ देवदहका अध्यक्ष मिना श्रेष्ठ लगायतले विचार व्यक्त गरेका थिए ।