समाज

देवदहमा महिलाले पञ्चेबाजा बजाउने, १५ जनाले तालिम लिंदै

सेतोमसी
फाल्गुण १४, २०८० सोमवार

देवदहमा महिलाले पञ्चेबाजा बजाउने, १५ जनाले तालिम लिंदै

अ +
अ
अ -

देवदह । देवदहमा महिलाहरूले पञ्चेबाजा बजाउने भएका छन् । देवदहस्थित चेली सहकारी संस्थामा आवद्ध महिलालाई रोटरी क्लव अफ वुटवल डाउन टाउनले पन्चेबाजा सहित आवश्यक तालिमको व्यवस्थापन गरेको हो ।

आइतबार एक कार्यक्रमबीच रोटरी क्लबले चेली कृषि सहकारीमा आवद्ध महिलालाई पञ्चेबाजा हस्तान्तरण गर्यो । महिलाहरुलाई आयआर्जन गरि सक्षम बनाउन क्लबले पञ्चेबाजा हस्तान्तरण गरेको रोटरी क्लब अफ देवदहका चार्टर प्रेसिडेन्ट जयकिशन अधिकारी जानकारी दिए । सामान्यतया: पुरुषले मात्र पञ्चेबाजा बजाउने परिपाटी भएको अवस्थामा सामाजिक परिवर्तनसहित महिलालाई नयाँ किसिमको आयआर्जनमा जोड्न कार्यक्रम ल्याईएको अधिकारी बताए । देशका अन्य केही ठाउँमा महिलाले बाजा बजाउने गरेको सुनिएको भएपनि लुम्बिनी प्रदेशमै त्यस्तो अभ्यास नदेखिएको हुनाले नयाँ अभ्यासको सुरुवात गरिएको उनको भनाई छ ।

एक लाख ५० हजार रूपैयाँको पञ्चेबाजासहित महिलाहरूलाई तालिम दिएर दक्ष बनाउने रोटरी क्लबले जनाएको छ । तालिममा चेली कृषि सहकारीका १५ जना महिला सहभागी हुने जनाईएको छ ।

कार्यक्रममा रोटरी क्लब अफ बुटवल डाउन टाउनका अध्यक्ष कमला हमाल, रोटरी क्लब अफ देवदहका चार्टर प्रेसिडेन्ट जयकिशन अधिकारी लगायत चेली कृषि सहकारी र रोटरी सदस्यहरूको उपस्थिति रहेको थियो ।