एमाले नेतृत्वको सरकार राष्ट्रिय आवश्यकता : उपाध्यक्ष पौडेल

सेतोमसी
माघ १९, २०८० शुक्रवार

एमाले नेतृत्वको सरकार राष्ट्रिय आवश्यकता : उपाध्यक्ष पौडेल

अ +
अ
अ -

रुपन्देही । नेकपा एमाले देवदह नगर कमिटीको दोस्रो नगर अधिवेशनबाट नवनिर्वाचित पदाधिकारी तथा सदस्यहरूको शपथ ग्रहण कार्यक्रम सम्पन्न भएको छ । शपथ ग्रहण समारोहमा बोल्दै नेकपा एमालेका केन्द्रीय उपाध्यक्ष विष्णु पौडेलले एमाले नेतृत्वको सरकार राष्ट्रिय आवश्यकता भएको बताएका छन ।

एमालेको सरकार नबन्दासम्म समृद्धि सम्भव नभएको उल्लेख गर्दै पुर्व अर्थमन्त्री समेत रहेका नेता पौडेलले एमालेसंग देश विकासको खाका भएको दावी गरे ।

"यदि हामीले बहुमत ल्याएनौँ भने सरकार बनाएनौं भने हाम्रा नीतिहरू जतिसुकै राम्रा भएपनि हाम्रा विचारहरु हाम्रा योजनाहरु देखाउनमा मात्र सीमित हुन्छन । त्यसैले हामीले जित्न जरूरी छ " उनले भने ।

कार्यक्रम प्रदेश कमिटी सदस्य तथा ध्रुवप्रसाद खरेलको अध्यक्षता, प्रदेश कमिटी सदस्य विद्यालक्ष्मी गुरुङको स्वागत मन्तव्य र नेता यम रानाको सञ्चालनमा सम्पन्न भएको थियो।