नवलपरासीमा ७ लाख बढिको अबैध सामान सशस्त्र प्रहरीको नियन्त्रणमा

सेतोमसी
श्रावण १०, २०७८ आइतवार

नवलपरासीमा ७ लाख बढिको अबैध सामान सशस्त्र प्रहरीको नियन्त्रणमा

अ +
अ
अ -

सहबान अन्सारी , नवलपरासी । नवलपरासीमा करिब ७ लाख ३८ हजार ४ सय ८३ रुपयाँ मुल्य बराबरको अबैध सामान सशस्त्र प्रहरीले नियन्त्रणमा लिएको छ ।

शसस्त्र प्रहरी बल नेपाल नं. २६ गण हेडक्वाटर पश्चिम नवलपरासीको मातहतमा बि.ओ.पी तथा बेशहरुबाट बिभिन्न ईलाकामा खटिएका सशस्त्र प्रहरीको मोबाईल गस्ती टोलीले बिशेष सुराकीको आधारमा भारतबाट अबैधरुपमा भन्सारी छली लुकाई छिपाई नेपालतर्फ ल्याउदै गरेको बिभिन्न किसीमका मोबाईल,ईलेक्ट्रानिक सामान,हार्डवेयरका सामानहरु,मोटरसाईकल,कपडा तथा किराना सामानहरु बरामद गरी आवश्यक कारवाहीको लागी महेशपुर भन्सार कार्यालयमा बुझाईएको सशस्त्र प्रहरी बल नेपाल नम्बर २६ गण हेडक्वाटर नवलपरासी पश्चिम उक्त गणका सूचना अधिकारी सशस्त्र प्रहरी नायब उपरीक्षक माधव रेग्मीले जानकारी दिए ।