लक्ष्मी आधारभूत विद्यालयले रजत जयन्ती मनाउने

धुर्ब लामिछाने
पौष २३, २०८० सोमवार

लक्ष्मी आधारभूत विद्यालयले रजत जयन्ती मनाउने

अ +
अ
अ -

धुर्ब लामिछाने, देवदह । रुपन्देहीको देवदहमा रहेको लक्ष्मी आधारभूत विद्यालयले आफ्नो स्थापनाको २५ औँ वर्ष पुरा गरेको अवसरमा रजत जयन्ती मनाउने भएको छ ।

विद्यालयले पौस २३ गते देवदहका विभिन्न विद्यालयका प्रधानाध्यापक तथा अभिभावकहरुसंग शैक्षिक अन्तर्क्रिया कार्यक्रम गर्दै पुष २४ गतेदेखि विभिन्न रचनात्मक तथा सृजनशिल कृयाकलापहरु गराउँदै पौस २७ गते मुल समारोह गरेर रजत महोत्सव गर्ने जनाएको छ ।

प्रधानाध्यापक मनकला पाण्डेले विद्यालयको २५औँ वार्षिक उत्सवको अवसरमा रजत महोत्सव मनाउन लागेको जानकारी दिइन् । सेतोमसीका रिपोर्टर धुर्ब लामिछानेसंग कुरा गर्दै प्रधानाध्यापक पाण्डेले मूल समारोह कार्यक्रम २७ गते हुने भएतापनि रजत जयन्ती महोत्सव सम्वन्धि कार्यक्रम भने पौस २४ गतेदेखिनै जारी रहने बताइन्।

रजत महोत्सव अन्तर्गत २४ गते बालबालिकाहरुको साहित्यिक प्रतिभा प्रस्तुत गरिने, २५ गते खेलकुद,२६ गते अभिभावक शिक्षक तथा खेलकुद तथा पुरस्कार वितरण गरिने र २७ गते मूल समारोह गरिने विद्यालयका अध्यक्ष पुरन अहिरले जानकारी दिए ।

वि. सं. २०५५ सालमा स्थापना भएको लक्ष्मी आधारभूत विद्यालयमा स्थापनाको वर्ष १ जना शिक्षक कर्मचारी र १२ जना विद्यार्थीबाट सुरु भएको विद्यालयमा अहिले कक्षा ५ सम्म १०२ विद्यार्थी तथा १० जना शिक्षक कर्मचारीले अध्यापन गराई रहेका छन् ।