सामुदायिक विद्यालयहरुलाइ इको-गार्डेन सामाग्री हस्तान्तरण

सेतोमसी
आश्विन १२, २०८० शुक्रवार

सामुदायिक विद्यालयहरुलाइ इको-गार्डेन सामाग्री हस्तान्तरण

अ +
अ
अ -

नविन लुइँटेल , देवदह । रुपन्देहीको देवदहमा सामुदायिक विद्यालयहरुलाइ इको-गार्डेन सामाग्री हस्तान्तरण कार्यक्रम सम्पन्न भएको छ । लुम्बिनी बौद्ध विश्वविद्यालयको आयोजनामा स्कुल अफ डिभेलपमेन्ट स्टडिज एण्ड एप्लाइड साइन्सेजले विश्वविद्यालय समुदाय साझेदारी परियोजना तथा देवदहमा लुम्बिनी बौद्ध विश्वविद्यालयको योजनाबारे प्रस्तुति एवम शुभकामना देवदह ७ मा अवस्थित कोसेली भवनमा सम्पन्न भएको हो ।

कार्यक्रममा बोल्दै लुम्बिनी बौद्ध विश्वविद्यालयका उपकुलपती प्रा डा श्री श्री सुबर्णलाल बज्राचार्यले देवदहमा बौद्ध विश्वविद्यालयलाई छिटो भन्दा छिटो सन्चालनमा ल्याउनको लागि नेपाल सरकार सङै नेपालका छिमेकी राष्ट्र भारत र चिन सङ विश्वविद्यालय सहकार्य गरेर (२-२) २ वर्ष नेपाल र २ वर्ष बाहिरी देशमा पढ्न पाउने तरिकाले सम्बन्ध अघि बढेको बताए। उपकुलपति बज्राचार्यले विश्वविद्यालय र विद्यालयलाई समन्वय गरि अगाडि बढ्नको लागि देवदहमा रहेका ३ सामुदायिक विद्यालय देवदह माध्यमिक विद्यालय , जनता माध्यमिक विद्यालय र ज्ञान ज्योती माध्यमिक विद्यालयलाई विभिन्न शैक्षिक सामाग्री, विभिन्न बिरुवा र विभिन्न उपकरणहरु दिएको छ ।