नयाँ व्यवस्थापन सहित देवदह टेलिभिजन पुनः संचालनमा

सेतोमसी
आश्विन ११, २०८० बिहिवार

नयाँ व्यवस्थापन सहित देवदह टेलिभिजन पुनः संचालनमा

अ +
अ
अ -

देवदह । रुपन्देहीको देवदह नगरपालिकामा संचालन भएर केही समय बन्द रहेको देवदह टेलिभिजन पुनः संचालनमा आएको छ । नयाँ व्यवस्थापन सहित सुरू भएको टेलिभिजनको बिहीवार एक कार्यक्रमबीच उद्घाटन गरिएको छ ।

टेलिभिजन उद्घाटन कार्यक्रममा बोल्दै देवदह नगरपालिका नगर उपप्रमुख विद्यालक्ष्मी गुरुङ्गले संचार क्षेत्रले राज्यको हरेक क्षेत्रलाइ पारदर्शी बनाउने हुँदा आफ्नो जिम्मेवारीबाट नबहकिकन अगाडि बढ्न टेलिभिजनका संचालक समितिलाइ आग्रह गरिन । उनले देवदह नगरपालिकाको सत्यतथ्य समाचार सहित देवदहका गतिविधिलाई जनता माझ पुर्याउन सहयोग गरेकोमा आभार व्यक्त गरिन ।

कार्यक्रममा देवदह नगरपालिकाका प्रथम नगरप्रमुख हिरा बहादुर खत्री, लुम्बिनी बिकास कोषका कोषाध्यक्ष सिद्धचरण भट्टराई, देवदह नगरपालिका नगरप्रवक्ता गणेश डुम्रे लगाएतले आफ्नो मन्तव्य राखेक थिए ।

कार्यक्रम देवदह टेलिभिजन संचालक समिती अध्यक्ष बिष्णु ढकालको अध्यक्षता, देवदह नगरपालिकाका नगरउपप्रमुख विद्यालक्ष्मी गुरुङ्गको प्रमुख आतिथ्यता, कार्यक्रम देवदह टेलिभिजन संचालक समिती सचीव गोविन्द ज्ञवालीको स्वागत र कमला अर्यालको संचालनमा सम्पन्न भएको थियो ।

नयाँ ठाउँमा कार्यालय व्यवस्थापन, नयाँ लोगो र नयाँ संचार नारा सहित पुन: सन्चालनमा आएको टेलिभिजनले सत्य र निष्पक्ष संचारकर्म गर्ने जनाएको छ ।