अन्तर्राष्ट्रिय

युद्ध अन्त्य हुने स्पष्ट ग्यारेन्टी भएमा वार्ताका लागि तयार छौं : इरानी विदेशमन्त्री अराघची

एजेन्सी
चैत्र १, २०८२ आइतवार

युद्ध अन्त्य हुने स्पष्ट ग्यारेन्टी भएमा वार्ताका लागि तयार छौं : इरानी विदेशमन्त्री अराघची

अ +
अ
अ -

काठमाडौँ । इरानले अमेरिका र इजरायलसँग जारी युद्ध अन्त्य हुने स्पष्ट ग्यारेन्टी भएमा वार्ताका लागि तयार रहेको जनाएको छ ।

इरानका विदेशमन्त्री अब्बास अराघचीले युद्ध अन्त्य हुने सुनिश्चितता दिन सक्ने कुनै पनि त्यस्तो प्रस्ताव वा पहललाई स्वागत गरिने बताएका हुन् ।

यसैबीच खाडी क्षेत्रका देशहरूले आफ्नो भूभागमा भइरहेका आक्रमण रोक्न इरानसँग माग गरेका छन् । ती देशहरूको भनाइमा आक्रमणका कारण अमेरिकी सैनिक चौकी मात्र होइन ऊर्जा संरचना र आवासीय क्षेत्र पनि प्रभावित भएका छन् ।

तर विदेशमन्त्री अराघचीले इरानले मध्यपूर्व क्षेत्रमा कुनै पनि सर्वसाधारण वा आवासीय स्थानलाई निशाना नबनाएको दाबी गरेका छन् । यदि यस्तो गुनासो आएको खण्डमा छानबिनका लागि छिमेकी देशहरूसँग मिलेर संयुक्त समिति बनाउन इरान तयार रहेको उनले बताएका छन् ।

उनले दिएको इरान खाडी क्षेत्रका देशहरूसँग निरन्तर सम्पर्कमा रहेको पनि बताएका छन् ।