यूएईमा ‘विश्व सन्देश’ पत्रिका विमोचन

सेतोमसी
पौष २१, २०८२ सोमवार

अ +
अ
अ -

यूएईमा नेपाली मासिक पत्रिका ‘विश्व सन्देश’ औपचारिक रूपमा विमोचन भएको छ। अमेरिकाबाट सुरु भएको यो पत्रिका अब यूएईबाट पनि मासिक रूपमा प्रकाशित हुनेछ।

नेपाल पत्रकार महासंघ, यूएईका अध्यक्ष मेघराज सापकोटाको सभापतित्वमा सम्पन्न कार्यक्रममा नेपालका आवासीय राजदूत तेजबहादुर क्षेत्री प्रमुख अतिथिका रूपमा उपस्थित थिए।

राजदूत क्षेत्रीले पत्रिकाले सकारात्मक समाचार र जिम्मेवार सामग्रीमा केन्द्रित हुनुपर्ने बताए। उनले यसलाई निरन्तरता दिन यूएईस्थित नेपाली दूतावासले सहयोग गर्ने स्पष्ट पारे।

सभापति सापकोटाका अनुसार पत्रिकाले यूएईमा कार्यरत नेपाली श्रमिक, व्यवसायी र समुदायका गतिविधि, जीवनकथा र सफलताको कथाहरू समेट्ने उद्देश्य राखेको छ।

‘विश्व सन्देश’ ग्लोबल टिममा अध्यक्ष विजय राम पौडेल, प्रधान सम्पादक रोशन पुरी, प्रमुख कार्यकारी अधिकृत योगेश अधिकारी, सल्लाहकार केदार तिमिल्सिना छन्। यूएई टिममा सम्पादक निमेश गिरी र स्तम्भकार निशचल दाहाल रहेका छन्

पत्रिका मासिक रूपमा युएईबाट प्रकाशित हुने जनाइएको छ।