काठमाडौँ । रुसको पूर्वी तटमा रहेको कामचट्का प्रायद्वीप नजिकै शक्तिशाली भूकम्प गएपछि सुनामीको चेतावनी दिइएको छ ।
अमेरिकी भूगर्भीय सर्वेक्षणले समुद्रमुनि रहेको उथले क्षेत्रमा भूकम्प गएको बताएको छ । यसका कारण रुस, जापान, गुआम, हवाई र अलास्कामा सुनामीको चेतावनी जारी गरिएको छ । चेतावनीमा यसका कारण प्रशान्त तटमा समुद्रमा १ देखि ३ मिटर अग्ला छालहरू उठ्न सक्ने बताइएको छ ।
जापानको एनएचले टेलिभिजनका अनुसार, भूकम्प जापानका चार ठूला टापुहरूको उत्तरी टापु होक्काइडोबाट लगभग २५० किलोमिटर टाढा थियो । साथै, भूकम्पको केन्द्रबिन्दु रूसको कामचट्का प्रायद्वीपको पेट्रोपाभ्लोभस्क-कामचट्स्कीबाट १३३ किलोमिटर दक्षिणपूर्वमा ७४ किलोमिटरको गहिराइमा रहेको बताएको छ । सुरुमा यसले भूकम्पको तीव्रता ८.० रहेको रिपोर्ट गरेको थियो । पछि यसको तीव्रता रिक्टर स्केलमा ८.८ मा रेकर्ड गरिएको थियो ।
साथै, अलास्काको राष्ट्रिय सुनामी चेतावनी केन्द्रले अलास्का अलेउटियन टापुका केही भागहरूको लागि सुनामी चेतावनी जारी गरेको छ ।
त्यसैगरी क्यालिफोर्निया, ओरेगन, वाशिंगटन र हवाई लगायत पश्चिमी तटका केही भागहरूलाई सतर्क रहन निर्देशन दिइएको छ ।
भूकम्पपछि रूसको सुदूर पूर्वमा धेरै मानिसहरू घाइते भएको राज्यको तास समाचार एजेन्सीले रिपोर्ट गरेको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)