थाइल्याण्डको राजधानी बैंककमा अन्धाधुन्ध गोली चल्दा ६ जनाको मृत्यु

एजेन्सी
श्रावण १२, २०८२ सोमवार

थाइल्याण्डको राजधानी बैंककमा अन्धाधुन्ध गोली चल्दा ६ जनाको मृत्यु

अ +
अ
अ -

काठमाडौँ । थाइल्याण्डको राजधानी बैंककको एक खाद्य बजारमा अन्धाधुन्ध गोली चल्दा कम्तिमा ६ जनाको मृत्यु भएको छ । यसपछि आक्रमणकारीले आफैलाई पनि गोली हानेको द नेसन थाइल्याण्डले उल्लेख गरको छ ।

मृत्यु हुनेमा चार सुरक्षा गार्ड, एक महिला र गोली चलाउने व्यक्ति रहेको रिपोर्टमा उल्लेख छ । गोली लागेर घाइते भएका दुई महिलालाई अस्पताल लागिएको बताइएको छ । घटना सोमबार बैंककको प्रसिद्ध ओर तो कोर बजारमा भएको थियो ।

यो पर्यटकहरूमाझ धेरै लोकप्रिय छ । स्थानीय प्रहरीका अनुसार आक्रमणकारीको पहिचान नोईको रूपमा गरिएको छ । उनी घटनास्थलमै मृत फेला परेका थिए । आक्रमणकारीको मनसाय बारे स्पष्ट नभएको र अनुसन्धान भइरहेको बताइएको छ । यो गोलीबारी थाइल्याण्ड-कम्बोडिया सीमामा भइरहेको झडपसँग सम्बन्धित छ या छैन भन्ने पनि अनुसन्धान गरिरहेको प्रहरीले जनाएको छ ।