थाइल्याण्ड - कम्बोडिया द्वन्द

युद्धविराममा सहमत थाइल्याण्ड र कम्बोडियाबीच लडाई जारी

सेतोमसी
श्रावण ११, २०८२ आइतवार

युद्धविराममा सहमत थाइल्याण्ड र कम्बोडियाबीच लडाई जारी

अ +
अ
अ -

काठमाडौँ । सीमा विवादलाई लिएर थाइल्याण्ड र कम्बोडियाबीच आइतबार चौथो दिन पनि लडाइँ जारी रहेको छ ।

यस रक्तपातपूर्ण द्वन्द्वमा अहिलेसम्म ३३ जनाको मृत्यु भएको छ भने २ लाखभन्दा बढी मानिस विस्थापित भएका छन् ।

यसअघि अमेरिकी राष्ट्रपति डोनाल्ड ट्रम्पले आफ्नो पहलमा दुवै देश युद्धविराम गर्न सहमत भएको दाबी गरेका थिए, तर आइतबार बिहान प्राचीन मन्दिरहरू नजिक फेरि गोलीबारी सुरु भएको मिडिया रिपोर्टमा बताइएको छ ।

कम्बोडियाको रक्षा मन्त्रालयका प्रवक्ताले थाई सेनाले बिहान मन्दिरहरू वरिपरि आक्रमण गर्न थालेको बताएका छन् भने थाई सेनाका उपप्रवक्ताले कम्बोडियाले बिहान गोलीबारी सुरु गरेको आरोप लगाएका छन् ।

कम्बोडियाका प्रधानमन्त्री हान मानेटले आइतबार भनेका छन्- 'तत्काल र बिना शर्त युद्धविराम" को प्रस्तावमा सहमत छ । उनले आफ्ना विदेशमन्त्री प्राक सोखोनलाई अमेरिकी विदेशमन्त्री मार्को रुबियोसँग कुरा गर्न आदेश दिए, तर बैंककले कुनै पनि सम्झौता तोड्ने प्रयास नगर्ने चेतावनी दिए । यसैबीच, थाइल्याण्डका कार्यवाहक प्रधानमन्त्री फामथम भेचायचाईले ट्रम्पको भाषणपछि आफू युद्धविराम र प्रारम्भिक वार्ताको लागि तयार रहेको बताए तर शान्ति स्थापना गर्न कम्बोडियाले 'इमानदार मनसाय' देखाउनुपर्ने चेतावनी दिए ।