लुम्बिनी । राष्ट्रिय धान दिवसको अवसरमा नेकपा (माओवादी केन्द्र) का नेता तथा कार्यकर्ताहरूले रुपन्देहीको शुद्धोधन गाउँपालिका–३ वेतहीका शहीद रमेश यादवको परिवारको खेतमा धान रोपेका छन् ।
माओवादी केन्द्र लुम्बिनी प्रदेश अध्यक्ष सुदर्शन बरालको नेतृत्वमा आयोजित रोपाइ कार्यक्रममा केन्द्रीय सदस्यहरू रामु परियार, मक्सुद अली, देवेन्द्र पाण्डे, संविधानसभा सदस्य शारदा घिमिरे, वाइसिएलका केन्द्रीय उपाध्यक्ष माधव बस्नेतसहित करिब ८० जना नेता तथा कार्यकर्ताहरू सहभागी थिए ।
उनीहरूले दिनभरमा १० कठ्ठा खेतमा धान रोपेको जनाइएको छ ।
पार्टीका रुपन्देही जिल्ला संयोजक नारायण जिसी (निर्मल) ले श्रमसँग पार्टीको सम्बन्धलाई सुदृढ गर्दै शहीद परिवारप्रतिको सम्मान स्वरूप यो अभियान चलाइएको बताए ।
रोपाइ कार्यक्रमले शहीद परिवारलाई सघाउने मात्र नभइ, नेताहरुलाई शहिद परिवारको पिर मर्का नजिकबाट बुझ्ने अवसर जुटाइदिएको पार्टीले जानाएको छ ।
श्रममा संलग्न नेता तथा कार्यकर्ताहरूको सहयोगप्रति शहीद यादवको परिवारले खुसी व्यक्त गरेको छ ।
शहीद रमेश यादवको २०६२ सालमा तत्कालिन शाही सेनाले नियन्त्रणमा लिएर गोली हानी हत्या गरिएको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology