जानकी नवमी

आज जानकी नवमी, मधेशमा सार्वजनिक बिदा

सेतोमसी
बैशाख २३, २०८२ मंगलवार

अ +
अ
अ -

जनकपुरधाम । आदर्श नारी सीताको जन्म स्मृतिमा जनकपुरधाममा आज जानकी नवमी मनाइँदै छ। वैशाख शुक्ल नवमीका दिन जानकी नवमीको रुपमा हरेक वर्ष जनकपुरमा सांस्कृतिक र धार्मिक कार्यक्रमसहित श्रद्धा व्यक्त गरिन्छ।

आजको दिन बिहानैदेखि जानकी मन्दिरमा श्रद्धालुहरूको बाक्लो उपस्थिति देखिएको छ। मन्दिर परिसरमा विशेष पूजाअर्चना, भजनकीर्तन र धार्मिक झाँकी निकाल्ने परम्पराअनुसार कार्यक्रमहरू सञ्चालन भइरहेका छन्। जानकी मन्दिर व्यवस्थापन समितिले विशेष आरतीसहितको झाँकी कार्यक्रम आयोजना गरेको छ।

मधेश सरकारले जानकी नवमीको अवसरमा आज सार्वजनिक बिदा घोषणा गरेकाले स्थानीय जनजीवनमा उत्सवको रौनक थपिएको छ। श्रद्धालुहरूको आगमन र भक्ति भावनाले जनकपुरधाम आज विशेष धार्मिक रंगमा रंगिएको छ।