क्षमता विकास तालिम

देवदहमा महिला स्वास्थ्य स्वयंसेवीका लक्षित क्षमता विकास तालिम

सेतोमसी
चैत्र २०, २०८१ बुधवार

देवदहमा महिला स्वास्थ्य स्वयंसेवीका लक्षित क्षमता विकास तालिम

अ +
अ
अ -

देवदह । रुपन्देहीको देवदहमा महिला स्वास्थ्य स्वयंसेवीकाको क्षमता वृद्धि गर्ने उद्देश्यसहित दुई दिने तालिम सम्पन्न भएको छ। देवदह नगरपालिकाले उपप्रमुखसँग महिला कार्यक्रम अन्तर्गत तालिमको आयोजना गरेको हो।

तालिमको समापन गर्दै उपप्रमुख विद्यालक्ष्मी गुरुङले स्वास्थ्य क्षेत्रमा महिला स्वास्थ्य स्वयंसेवीकाको योगदान महत्वपूर्ण रहेको बताइन्। नागरिकसँग प्रत्यक्ष जोडिने स्वयंसेवीकाहरूको क्षमता विकास गर्न आवश्यक रहेको उल्लेख गर्दै, नगरपालिकाले उनीहरूको सम्मानका लागि योजना बनाएको जानकारी दिइन्।

समापन समारोहमा भगवती पराजुली, शोभादेवी श्रेष्ठ, अकलुन निसा मुसलमान, इन्दिराकुमारी महत, सारदादेवी क्षेत्री, टिकादेवी पाण्डे, पार्वती थरुनी, तिलकुमारी लामिछाने, अम्बिका पौडेल र माया पौडेललाई नगदसहित सम्मान गरिएको छ।

तालिममा डा. सुजन पौडेल, काशीराम रेग्मी, रामप्रसाद पन्थी, माया पुन, मिनु पुन, देवी विक लगायतले सहजीकरण गरेका थिए।

उपप्रमुख विद्यालक्ष्मी गुरुङको अध्यक्षतामा सम्पन्न कार्यक्रममा महिला स्वास्थ्य स्वयंसेवीका पवित्रा नेपाली, चन्द्रानी पाण्डे लगायतले आफ्ना भनाइ राखेका थिए।

देवदह नगरपालिका स्वास्थ्य शाखा प्रमुख काशीनाथ बन्जाडेले धन्यवाद ज्ञापन गरेका थिए भने कार्यक्रम गिरी तरामुको सञ्चालनमा सम्पन्न भएको थियो।