देवपाटा स्मृति दिवसमा फलफूल तथा खाद्य सामग्री वितरण

सेतोमसी
फाल्गुण १४, २०८१ बुधवार

देवपाटा स्मृति दिवसमा फलफूल तथा खाद्य सामग्री वितरण

अ +
अ
अ -

बुटवल । रुपन्देहीका पत्रकार स्व. देव बहादुर पाटामगरको १६ औं स्मृति दिवसको अवसरमा फलफूल तथा खाद्य सामग्री वितरण गरिएको छ । नेपाल आदिवासी जनजाति पत्रकार महासंघ फोनिज रुपन्देहीका संस्थापक अध्यक्ष स्व. देव बहादुर पाटामगरको स्मृतिमा बुघबार एक कार्यक्रमका बीच बुटवल जीतगढी स्थित कुष्ठरोगबाट प्रभावित व्यक्ति कल्याण समितिमा आश्रित कुष्ठरोगबाट प्रभावितहरुलाई फलफूल, दाल, चामल, तेल, चिनी लगायतका खाद्य सामग्री वितरण गरिएको फोनिज रुपन्देहीका अध्यक्ष मीन बहादुर रानाले जानकारी दिए ।

नेपाल आदिवासी जनजाति पत्रकार महासंघ फोनिज केन्द्रीय उपाध्यक्ष सरु राना, प्रदेश इन्चार्ज मिलन गाहा, फोनिज रुपन्देहीका निवर्तमान अध्यक्ष सनु थापा, नेपाल मगर संघ बुटवल उपमहानगर उपाध्यक्ष लुम बहादुर सारुमगर, पाटाका धर्मपत्नी नारायणी पाटा, राज चौधरी, आकृति थापा लगायतको उपस्थितिमा फलफुल तथा खाद्य सामग्री वितरण गरिएको फोनिजले जनाएको छ ।