ज्यो. पं युवराज अधिकारी । आज मिति २०७८ भदौ २१ गते सोमबार । तदनुसार ६ सेप्टेम्बर २०२१ । श्री भोलेनाथको दर्शन गरी आजको राशिफल हेर्नुहोस ।

आजको पंचाङ्ग : 

वि.सं. भदौ २१, २०७८ । ई.सं. 06 Sep, 2021 । शक संवत् १९४३ । नेपाल संवत् ११४१ गुँलागा । दक्षिणायन । वर्षा । सोमवार । भाद्र कृष्णपक्ष । तिथि - चतुर्दशी , ६:५६ बजे उप्रान्त औंसी । नक्षत्र - मघा , १८:४० बजे उप्रान्त पूर्वफाल्गुनी । योग - शिव , ८:२५ बजे उप्रान्त सिद्ध । करण - शकुनि ६:५६ बजेदेखि चतुष्पद , १८:४४ बजे उप्रान्त वालव । चन्द्रराशि - सिंह । आनन्दादि योग - ध्वांक्ष । दिनमान ३१।२० । सूर्योदय ५:४५ । सूर्यास्त १८:१७ । दर्शश्राद्ध, निशिबार्ने, अगस्ती उदय १५:३८ बजे । 

आजको राशिफल: 

मेष - (चु, चे, चो, ला, ली, लु, ले, लो, अ) 
काम विग्रने खालको समय रहेको छ । यात्रा फलदायी हुने छैन । मन अशान्त भई रहनेछ । वायु विकारले शरीरका विविध अंगमा पीडा हुनेछ । व्यापारबाट हानी हुनेछ । शत्रु सबल हुनेछन् । आज मित्रहरुले पनि शत्रुले जस्तै व्यवहार देखाउने छन् । 

वृष - (ई, उ, ए, ओ, वा, वी, वु, वे, वो)  
परिवारका सदस्यहरुसंग झगडा हुने योग छ । मन साह्रै चञ्चल हुनेछ । पेट सम्वन्धी समस्या आउनेछ । पानी बाट हानीहुने दिन रहेको छ । चोट पटकको संभावना रहेको छ । पढाइमा मन जाने छैन । शरीरमा आलस्यता उत्पन्न हुनेछ । 

मिथुन - (का, की, कु, घ, ङ, छ, के, को, हा)  
धन आर्जन गर्ने अवसर मिल्नेछ । शत्रु परास्त हुनाले मन प्रशन्न हुनेछ । धैर्यताले कार्य सफल हुनेछ । साथिहरु पूर्ण सहयोग मिल्नेछ । प्रेममा सफलता मिल्नेछ । रमाइलो यात्राको योग रहेको छ । नोकरी, व्यवसाय र अध्ययनको मार्ग शुभ रहेका छन् । 

कर्कट - (ही, हु, हे, हो, डा, डी, डु, डे, डो)
मनमा असन्तोष बढ्नेछ । मानसिक तथा शारिरीक समस्या आउनेछ । कुभोजनका कारणले स्वास्थ्यमा समस्या उत्पन्न हुन सक्ने देखिन्छ । आँखामा समस्या आउन सक्नेछ । अनावश्यक रुपमा धनक्षय हुनेछ । परिवारमा खट्पट हुनेछ । आफन्त नै शत्रु वन्नेछन् । 

सिंह - (मा, मी, मु, मे, मो, टा, टी, टु, टे)
स्वास्थ्य राम्रो रहनेछ । मनमा शुखको अनुभुति हुनेछ । सभा तथा समारोहमा सहभागि हुने अवसर मिल्नेछ । गरेका काममा सफलता मिल्नेछ । पढाइमा राम्रो सफलता मिल्नेछ । स्वादिष्ट भोजन खान पाईने तथा उपहार प्राप्त हुने योग रहेको छ । 

कन्या -  (टो, पा, पी, पु, ष, ण, ठ, पे, पो)  
मानसिक तथा शारीरिक समस्याले सताउने छ । धनक्षय हुने दिन रहेको छ । बहुमुल्य सामान हराउन सक्नेछ । परिवारमा वेमेलको स्थिति आउनेछ । कुराकाट्नेहरु धेरै हुनेछन् । नैराश्यता उत्पन्न हुनेछ । अध्ययनमा रुचि घट्नेछ । शत्रुपक्ष वलवान हुनेछन । 

तुला -  (रा, री, रु, रे, रो, ता, ती, तु, ते)
आर्थिक उन्नति प्रगति हुने दिन रहेको छ । काममा सफलता मिल्नाले मन प्रसन्न रहनेछ । इष्टमित्रसंग भेटघाट हुनेछ । शत्रु पराजित हुनेछन् । कीर्ति बढ्नेछ । मीष्ठान्न भोजन तथा स्वर्णादि वस्तुको लाभहुने दिन रहेको छ । 

वृश्चिक -  (तो, ना, नी, नू, ने, नो, या, यी, यू)  
मनमा सुख तथा सन्तोष रहनेछ । आँटेका कामहरु पुरा हुनेछन् । आज कुनै नयाँ कामको थालनि हुनेछ । मित्रहरुबाट सहयोग मिल्नेछ । शत्रु पराजित हुनेछन् । यात्रा हुनसक्ने दिन रहेको छ । मनमा अहंकार बढ्नाले दुराचारको भावना जाग्रित हुनेछ । 

धनु - (ये, यो, भा, भी, भू, धा, फा, ढा, भे
परिवार तथा सन्तानबाट सहयोग मिल्नेछ । सरकारी काममा सफलता मिल्नेछ । यात्रा सफल हुनेछ । व्यापार व्यवसायमा राम्रो फाइदा हुने दिन रहेको छ । विद्यार्थीहरुका लागि आजको दिन फलदायी रहनेछ । चोट पटकको संभावना भने रहनेछ । 

मकर - (भो, जा, जी, खी, खु, खे, खो, गा, गी) 
स्वास्थ्य सम्वन्धी समस्याले सताउनेछ । अनावश्यक रुपमा वादविवाद तथा झगडा हुन सक्नेछ । मन साह्रै चिन्तित रहला । जिवजन्तुको भय हुनेछ । वायुविकार तथा पेटजन्य समस्या आउनेछ । पापकर्ममा मन जानेछ । नोकरी तथा व्यापारमा समस्या आउनेछ । 

कुम्भ - (गू, गे, गो, सा, सी, सु, से, सो, दा)
धनलाभ हुने दिन छ । यात्रा तथा सवारी साधनबाट फाईदा हुनेछ । मान सम्मान मिल्नेछ । मीठो कुरा खानपाईने दिन रहेको छ । मित्रबाट पूर्ण सहयोग मिल्नेछ । प्रेमिल दिन व्यतित हुनेछ । स्वास्थ्य राम्रो रहनेछ । अध्ययनको लागि आजको दिन फलदायी रहनेछ । 

मीन - (दी, दू, थ, झ, ञ, दे, दो, चा, ची)  
व्यवसायबाट फाईदा हुनेछ । स्वास्थ्यले साथ दिनेछ । धन तथा यश प्राप्त हुनेछ । शत्रु सरास्त हुनेछन् । विपरीत लिङ्गसंगको कुराकानिले मन साह्रै प्रसन्न हुनेछ । पारिवारीक सुख प्राप्त हुनेछ । श्री वृद्धि तथा ख्यातिको प्राप्ति हुनेछ । अध्ययनमा त्यति रुचि जाग्ने छैन ।