शिवालय सामुदायिक वनमा वार्षिक कार्ययोजना गोष्ठी

सेतोमसी
आश्विन ९, २०८१ बुधवार

शिवालय सामुदायिक वनमा वार्षिक कार्ययोजना गोष्ठी

अ +
अ
अ -

देवदह । रुपन्देहीको देवदह नगरपालिकामा अवस्थित शिवालय सामुदायिक वनले वार्षिक कार्ययोजना गोष्ठी सम्पन्न गरेको छ । बुधबार सम्पन्न गोष्ठीले आर्थिक वर्ष ०८१/०८२ को अनुमानित बजेट सहितका कार्यक्रम तय गरेको वनका अध्यक्ष रामचन्द्र पौडेलले जानकारी दिए ।

वनको कार्यालय परिसरमा आयोजित गोष्ठीमा अध्यक्ष पौडेलले ५१ लाख बढीको अनुमानित वार्षिक वजेट प्रस्तुत गरे । जसमा काठ-दाउरा विक्री, सदस्यता नवीकरण तथा अनुदान समेत गरि ५१ लाख पाँच हजार ५०० रुपैंयाँ आम्दानी हुने उल्लेख छ, भने वन विकास, प्रशासनिक खर्च, सामाजिक उत्तरदायित्व र भवन निर्माण लगायतको शिर्षकमा रकम खर्च हुने जनाइएको छ ।

वनका पदाधिकारी, कार्यसमिति सदस्य, पुर्व अध्यक्ष, सल्लाहाकार र लेखा समिति सहितको गोष्ठीमा सल्लाहकारहरू वासुदेव रिमाल, खेमनारायण अधिकारी, दामोदर क्षेत्री लगायतले विचार व्यक्त गरेका थिए ।

देवदह नगरपालिकाको वडा नं ५, ६ र ७ मा फैलिएको शिवालय सामुदायिक वनले पुष ३ गते साधारण सभा आयोजना गर्ने जनाएको छ ।

यसअघि टोल विकास संस्थाहरूसँग अन्तरक्रिया समेत गरेको शिवालय वनले सबैको समन्वयमा वन संरक्षण, विकास र समाजिक उत्तरदायित्वका कार्यक्रमलाई अघि बढाउने प्रयत्न गर्दै आएको जनाएको छ ।

शिवालय सामुदायिक वनले यस क्षेत्रमै पहिलोपटक जैविक विविधता पार्क निर्माण गरिरहेको छ ।