images

कविता

नाटकिय मरण

नाटकिय मरण

  • चैत्र २६, २०७७ बिहिवार १५:४५ बजे
  • 5.4K
    SHARES
  • images
    नाटकिय मरण

    नाटकिय मरण - कविता

    images

    भन्न त भन्थी उस्ले
    तिमी नै मेरो जीवन हो
    तिमी नै मेरो धड्कन हौ ।
    तिमी नै मेरो संसार हो
    तिमी नै मेरो सहारा हौ ।

    मुखमा राम जपेर 
    छुरा धस्ने जमात हो यो
    खै मलाई त त्यस्तो लाग्दैन
    किन किन पत्याउनै सक्दिन।

    यदाकदा 
    भन्न त भन्थे अरुले पनि 
    तपाईं दयालु
    तपाईं मयालु
    तपाईं कृपालु ।

    खै 
    कस्को कुरो पत्याउनु
    को माथी बिश्वास गर्नु ?
    देखावटी संसारमा
    अत्ति भयो झुठो आश्वासन 
    अत्ति भयो झुठो बन्धन
    आज जान्न मन छ मलाई
    परिक्षण गर्न मन छ उनिहरुलाई
    अनि
    ५ मिनेट साश रोकेर मार्नु छ आफुले आफैलाई।

    जिउँदैमा मार्ने जमात छन् धेरै
    साच्चिकै मार्नेहरुको बिचमा
    ख्याल ख्याल मार्नु छ आफुलाई 
    मलामिको लर्को लिएर
    सिंदुरको धर्को संगै
    चित्ता माथी सुत्दै
    कान खुल्लै राखेर
    जिब्रो टोक्दै
    आँखा चिम्लेर सुन्नु छ उनिहरुलाई 
    को-को रुँदा रहेछन
    को-को हाँस्दा रहेछन 
    अनि
    को-को नाँच्दा रहेछन् ।

    जिउँदो बसेर धेरै सुनियो खोक्रो तारिफ
    धेरै देखियो फोस्रो माया
    मर्नु छ एकदिनको लागि
    एकछिनको लागि
    को आफ्ना, को पराया
    छुट्याउनु छ जिउनका लागि ।

    नाटकिय मरण संगै आउने
    श्रद्धाञ्जलीको ओईरो भित्र
    पहिल्याउनु छ
    को आफ्ना को पराया
    को आफ्ना को पराया ।।

    ✍️ रामचन्द्र तिम्सिना (आवाज)

    images
  • सम्बन्धित विषय:

  • # रामचन्द्र तिम्सिना

  • सेतोमसी

    सम्बन्धित समाचार

    Copyright © All right reserved to setomasi.com