कंचनपुर । प्रधानमन्त्री ओली आफैले आफ्नो सत्ता ढल्ने संकेत गरेका छन । कंचनपुरमा आयोजित एक कार्यक्रममा बोल्दै उनले यस्तो संकेत गरेका हुन ।
पुस ५ मा आफुले गरेकोसंसद् विघटनलाई कहिले संबैधानिक भएको त कहिले बिशुद्द राजनीतिक घटना भएकोले अदालत यो बिषयमा प्रबेश गर्नु हुदैन भन्दै आएका केपी ओलीले पछिल्ला दिनहरुमा अदालत र अदालतमा हुँदै गरेका बहसप्रती कहिले मजाक गरे त कहिले अदालतले हाम्रो शक्ति देखोस भन्ने भावको धम्कीपुर्ण भाषाको समेत प्रयोग गर्न हिच्किचाएनन ।
तर तिनै प्रधानमन्त्री ओलीका पछिल्ला अभिव्यक्तिमा भने उनी गल्दै गएको अनुभुती गर्न सकिन्छ । यसैक्रममा कञ्चनपुरमा आयोजित औद्योगिक क्षेत्र शिलान्यास कार्यक्रममा प्रधानमन्त्री ओलीले पहिलोपटक संसद पुनर्स्थापना हुने तर्फ समेत संकेत गरे ।
संसद पुनर्स्थापना भएपनी आफ्नो राजनैतिक करियरमा कुनै नकारात्मक प्रभाव नपर्ने उल्लेख गर्दै उनले कहिलेकाही अदालतबाट समेत गल्ती हुन सक्ने जिकिर गरे ।
उनले प्रष्ट रुपमा संसद पुनर्स्थापना पछिको राजनीतिक भविष्यवाणी गर्दै यदि त्यसो भए झन अस्थिरता बढ्ने र राष्ट्र अनिर्णयको बन्दी हुन सक्ने पनि बताए ।
संसद किनबेच र सरकार बनाउने, गिराउने काम फेरि हुन सक्ने भन्दै उनले आफ्नो सत्ता ढल्न सक्ने तर्फसमेत संकेत गरे ।
त्यतिमात्र होइन, महाकाली नदि नजिकैको कंचनपुरबाट महाकाली सम्झौताको प्रशंग कोट्याउँदै उनले आफुले महाकालीमा राष्ट्रघात नगरेको बरु भारतिय संग रहेको महाकालीलाई नेपाल तर्फ सारेको दावी समेत दोहोर्याए । # प्रधानमन्त्री ओली आफैले #
फेसबुक देखि प्रतिक्रिया दिनुहोस