७ फाल्गुन, रुपन्देही । सामाजिक सेवामा समर्पित दाह्री ग्याङ्गको पाँचाै स्थापना दिवस विविध कार्यक्रम गरि मनाएकाे छ । सामाजिक सञ्जालबाट संगठित साे ग्याङले बिहिबार अाफ्नाे स्थापना दिवसकाे अवसरमा काेटिहवामा रहेकाे नेपाल अविनाश अनाथ अाश्रममा सहयाेग हस्तान्तरण गरेकाे हाे ।
साे अनाथ अाश्रममा एक कार्यक्रमका विच केकसमेत काटेर दाह्री ग्याङ्गले केही खेलकुद र शैक्षिक सामग्रीहरू हस्तान्तरण गरेको छ । अनाथ अाश्रमका बालबालिकाहरूका लागि दाह्री ग्याङकाे लाेगाे अंकित कापी , कलम , पेन्सिल , ज्याेमेट्रि बक्सलगायतका शैक्षिक सामग्री वितरण गरिएकाे हाे ।
त्यस्तै खेलकूदका सामग्री अन्तर्गत क्यारेमबाेर्ड , भलिबल , स्किपिङ , लुडाे अादि वितरण गरिएकाे हाे । साथै अाश्रमका बालबालिकाहरूका लागि साे ग्याङले खानासमेत खुवाएकाे बताएकाे छ ।
विभिन्न समयमा विभिन्न सामाजिक कार्य गर्दै अाएकाे साे दारी ग्याङ्गले जाजारकाेटकी कल्पना राेकाहा बचाऊ अभियान , कैलालीका अपाङ्गता भएका विष्णु रसायलीकाे घर निर्माणमा सहयाेग , दमकडा मावि पाल्पाका दृष्टिविहिन विद्यार्थीका लागि सहयाेग , धुर्मुस सुन्तली फाउन्डेसनमा सहयाेग गरेकाे जनाएकाे छ ।
त्यस्तै ट्राफिक सचेतना कार्यक्रम , लकडाउनकाे समयमा ट्राफिक प्रहरीकाे लागि सहयाेग कार्यक्रम , दाह्री ग्याङ्गको विज्ञान अभियान, सडक दुर्घटना न्यूनिकरणका लागि छाडा पशु चाैपायाहरूलाई रिफ्लेक्टिङ बेल्टलगायतका कार्यक्रम गरिएकाे जनाएकाे छ ।
बिहिबारकाे सहयाेग हस्तान्तरण कार्यक्रम दारी ग्याङ रूपन्देही र दारी ग्याङ कतारकाे संयुक्त अायाेजना गरिएकाे साे ग्याङका रूपन्देही अध्यक्ष गणेश पन्थले जानकारी दिए ।
सामाजिक सेवामा अगाडि बढिरहेकाे साे दाह्री ग्याङ्गले गत माघ १७ गते फुटसलकाे अायाेजना गरेकाे थियाे । साेही फुटसलकाे खर्च रकम कटाएर बचेकाे रकमबाट साे अनाथ अाश्रमा सहयाेग गरिएकाे कार्यक्रम संयाेजक जीवन भण्डारी र सागर बस्यालले जानकारी सेतोमसीलाइ बताए ।
दाह्री ग्याङ्ग ले गरेकाे उदाहरणीय कामप्रति अाश्रमका अध्यक्ष कृष्ण ज्ञवालीले प्रशंसा व्यक्त गरेका छन । साे ग्याङ्गका रूपन्देही अध्यक्ष गणेश पन्थकाे अध्यक्षता रहेकाे सहयाेग हस्तान्तरण कार्यक्रमकाे सञ्चालन भरत पाैडेलले गरेका थिए ।
फेसबुक देखि प्रतिक्रिया दिनुहोस