बुटवल, १५ माघ । मुटु काप्ने बुटवलको जाडोमा हजारौं कार्यकर्ता सामु प्रचण्ड फेरि एक पटक गर्जिएका छन । कार्यक्रमलाइ सम्बोधन गर्दै प्रचण्डले प्रतिगामीहरुको मुटुले ठाउँ छोडिसकेको बताए । नेकपा लुम्बिनी प्रदेशले आयोजना गरेको बिरोध सभामा बोल्दै उनले उक्त कुरा बताएका हुन ।
माघको महिनाको मुटु काप्ने बुटवलको ठंडिमा समेत कार्यकर्ताको अत्यन्तै राम्रो उपस्थिति देखेर हौसिएका प्रचण्डले आफ्नै शैलिमा हाउभाउ सहित भने “अस्तिको काठमाडौंको जनसभा र आज तपाईंहरुको यस प्रकारको भव्य उपस्थितिले यो देशका प्रतिगामी तथा प्रतिक्रियाबादीहरुको मुटुले ठाउँ छोडिसकेको महसुस मैले गरेको छु ।”
राजनीतिक स्थायीत्वको लागि प्रधानमन्त्री केपि शर्मा ओलीलाइ आफुले राम्रै काधँ थापेर पूरा पाँच बर्षे कार्यकाल पूरा गर्न अन्तिमसम्म पनि सघाएको प्रशंग उल्लेख गर्दै उनले भने – ” मैले केपि कमरेडलाई भनेको छु, उहाँले इतिहास मै अन्य नेताहरुले नपाएको अवसर प्राप्त गर्दा समेत उहाँ चुक्नु भयो र अन्तत: कलंकको टीका लगाइ छाड्नु भयो ।”
त्यसै गरी संसद विघटन इतिहासका कालखण्डहरुमा राजा महाराजाहरुले प्रयोग गरिसकेको र बारम्बार असफल भएको बताउदै प्रचण्डले भने “तत्कालीन संबिधानले दिएको अधिकार नै प्रयोग गरेर राजामहाराजाहरुले ‘कु’ गर्दा त असफल भए भने अहिले त संबिधानले नै नदिएको कार्य गरेर, संबिधानको गला रेटेर ओली जीले जे गर्दै हुनुहुन्छ त्यो त केही महीना पनि टिक्न सक्दैन ।”
गत सातामात्र केन्द्रिय राजधानी काठमाडौमा विशाल जनप्रदर्शन सहित जनसभा गरेको प्रचण्ड- नेपाल पक्षले नेकपा ओली समूहका मुख्य नेता तथा अर्थमन्त्री समेत रहेका बिष्णु पौडेलको चुनावी क्षेत्र बुटवलमा आज लुम्बिनी प्रदेशका विभिन्न जिल्लाबाट ५० हजार जनता उपस्थिति गएको नेकपा लुम्बिनी प्रदेशले जनाएको छ ।
स्मरण रहोस, मोफसलको राजधानी बुटवलमा हुने आन्दोलनले राष्ट्रिय स्तरमै प्रभाव पार्ने गरेको इतिहास छ । जनआन्दोलन -२ अर्थात ०६२-६३ को आन्दोलनको सुरुवात समेत बुटवलबाटै भएको थियो जुन आन्दोलनमा बुटवल बहुमुखी क्याम्पसका तत्कालीन विद्यार्थी देवीलाल पौडेल सहिद भएका थिए । पौडेललाई दोस्रो जनआन्दोलनको पहिलो सहिद समेत मानिन्छ ।
तस्बिरमा नेकपा प्रचण्ड – माधव पक्षको बुटवलको जनसभा
फेसबुक देखि प्रतिक्रिया दिनुहोस