रेशम अधिकारी,
देवदह, रुपन्देही । शनिबार रुपन्देहीको देवदहमा सम्पन्न चौथो साधारण सभा तथा दोस्रो अधिवेशनबाट युगीन साहित्य समाज नेपालको अध्यक्षमा शुशिल सापकोटा निर्वाचित भएका छन् । सापकोटाको अध्यक्षतामा ११ सदस्यीय कार्यसमिती सर्वसम्मत रुपमा चयन गरिएको हो ।
निर्वाचन मण्डलका संयोजक दिननाथ अर्यालका अनुसार संस्थाको उपाध्यक्षमा गणेश न्यौपाने, सचिवमा बिष्णु पौडेल, सह–सचिवमा तिर्थ राज भण्डारी र कोषाध्यक्षमा शोभाखर पाण्डेय निर्वचित भएका छन् ।
त्यस्तैगरी सदस्यहरुमा रेशम अधिकारी ‘अशोक ‘ पवित्रा पौडेल, विपिन पाठक, शोभराज जैसी, सागर भण्डारी, र दिनेश पाठक रहेक छन् ।
नवनिर्वाचित कार्यसमितीलाई शुभकामना दिदै युगीन साहित्य समाजका निवर्तमान अध्यक्ष यज्ञ प्रसाद न्यौपानेले आफूलाई दिएको जिम्मेवारीलाई वोझ नसम्झन र युगिन साहित्य समाजलाइ थप नयाँ जोस र जागर सहित अगाडि बढाउँदै लान कार्यसमितीलाई आग्रह गरे ।
त्यसै गरि प्रतिबद्धता मन्तव्य राख्दै नवनिर्वाचित अध्यक्ष सापकोटाले संस्थाले गर्दै आएका कार्यक्रमहरुलाई निरन्तरता दिदै नयाँ साहित्यकार जन्माउन लागि पर्ने प्रतिवद्धता ब्यक्त गरे ।
बन्द सत्र भन्दा अगाडी भएको रचना वाचन कार्यक्रममा कवि गिरी श्रीस मगर, कवि प्रज्वल दिवप लगायत साहित्यकारहरुले विभिन्न रचनाहरु वाचन गरका थीए । कार्यक्रम गणेश न्यौपानेको संचालनमा सम्पन्न भएको थियो ।
फेसबुक देखि प्रतिक्रिया दिनुहोस