९ माघ, काठमाडौं । नेपाली राजनीतिमा गाली संस्कृती दिनरात मौलाउदै गएको बेला नेपाल कम्युनिस्ट पार्टी (नेकपा ) का अध्यक्ष पुष्पकमल दाहाल प्रचण्डले ओलीलाइ गाली गरेनन । आजको सभामा प्रचण्डले अधिकांस समय आत्मालोचना मै बिताए । प्रचण्डले केपी शर्मा ओलीको गलत प्रवृत्तिलाई तह लगाउन नसकेकामा आफू आत्मालोचित भएको बताएका हुन ।
आफ्नो समूहले काठमाडौंमा गरेको सभालाई सम्बोधन गर्दै प्रचण्डले वाम गठबन्धनको घोषणा अनुसार काम गर्न नसकेको स्वीकार गरे । यद्यपि उनले आफूहरुले घोषणापत्रमा भने जस्तो गर्न प्रयास भने गरेको दाबी गरे । प्रधानमन्त्री पदका लागि जे पनि सहमति गर्ने तर कार्यान्वयन नगर्ने ओली प्रवृत्ति रहेको बताउँदै उनले भने, ‘केपी ओलीलाई तह लगाउन सकेनौं । यसमा हाम्रो पनि कमजोरी रह्यो ।’
उनले अघि भने, केपी ओलीलाई मात्र दोष दिएर हामी चोखैं हुन्छौं भन्ने लागेको छैन । अब केपी प्रवृत्ति प्रति उदार भएर भित्रभित्र संघर्ष गर्ने र उनको प्रवृत्तिलाई काम गर्न दिने भुल गर्ने छैनौं । त्यसो गरेर फाइदा हुने रहेछ ।’
उनले आफूहरु राष्ट्रप्रति इमान्दार रहेको र अब पनि रहने दावी गरे ।
फेसबुक देखि प्रतिक्रिया दिनुहोस