सृजना सेन, प्यूठान, ७ माघ । घर सँगै जलेका गोरबहादुर रोकालाई उपचारको लागी आर्थिक अभाव भएको छ । गौमुखी गाउँपालिका ७ नारिकोटका ६७ बर्षिय रोकालाई उपचारको लागी आर्थिक अभाव भएको स्थानिय बिकास गरुङ्गले बताउनु भएको छ ।
माघ ३ गते दिउसो आफ्नै घरमा आगोलागी भएपछि अन्न तथा अन्य सामाग्री जोगाउन खोज्दा उहाँ आगोमा जलेर गम्भिर घाइते हुनुभएको थियो । रोकाको परिवारमा आर्थिक अवस्था कमजोर रहेकाले उपचारमा समस्या भएको हो ।
काठमाण्डौ स्थित कृतिपुर अस्पतालमा उपचाररथ रोकालाई उपचारमा कम्तिमा पनि ३ लाख लाग्ने अस्पतालले बताएको गुरुङ्गको भनाई छ । गुरुङ्गकै नेतृत्वमा बैदेशिक रोजगारमा गएका प्यूठान बासी तथा अन्यको सहयोगमा १ लाख जम्मा गरेर उहाँको उपचारको सुरु गरिएको छ ।
शरिरको बिभिन्न अंग जलेकोले शल्यक्रियाकोलागी पैसाको अभाव रहेको छ । रोकाको ३ भाई छोरा छन् तिनै भाई छोरा सँग कुनै रोजगार नभएको र रोजगारको लागी उनिहरु भारत आउने जाने गर्दै आएका छन् ।
रोकाको परिवार भने अहिले जेठो छोराको घरमा बस्दै आएका छन् भने रोका परिवारले सहयोगको लागी समेत आग्रह गरेका छन् ।
# घर सँगै जलेका
फेसबुक देखि प्रतिक्रिया दिनुहोस