सर्बोच्च अदालतका चार पुर्व प्रधानन्यायाधीश हरुले संसद विघटन सम्बन्धि प्रधानमन्त्रीको निर्णय असंवैधानिक भएकोले सर्बोच्च अदालतले संसद पुनर्स्थापना गर्नु पर्ने बताएका छन ।
आज एक प्रेश बिज्ञप्ति जारी गर्दै पुर्व प्रधानन्यायाधीश हरु मिनबहादुर रायमाझी, अनुपराज शर्मा, कल्याण श्रेष्ठ र शुसिला कार्कीले उक्त कुरा बताएका हुन ।
संसदबाट नयाँ प्रधानमन्त्री बन्न नसक्ने अवस्थामा बाहेक अन्य कुनैपनी अबस्थामा पनि संसद भंग हुन नसक्ने भन्दै पुर्व प्रधानन्यायाधीसहरुले भनेका छन – ‘ कुनै पनि दल भित्रको आन्तरिक द्वन्द वा किचलोको कारण सार्बभौम संसद विघटन गरिनु दु:खद छ ।
संसद विघटन सम्बन्धि मुद्दा सर्बोच्च अदालतको संबैधानिक इजलासमा छलफल भैरहेको अवस्थामा आएको यस प्रकारको बिज्ञप्तिलाई राजनीतिक बृत्तमा महत्त्वका साथ हेरिएको छ ।
फेसबुक देखि प्रतिक्रिया दिनुहोस