सुमन महतारा गुल्मी ।
गुल्मीको धुर्कोट गाउँपालिका वडा नम्बर ३ का वडा अध्यक्ष विष्णुु श्रीस (थापा)ले मदिरासेवन गरि महिलामाथि हातपात गरेको आरोप लागेको छ । शुक्रवार राति करिव ९.१५ बजेको समयमा सोहि वडाकि अमृता नगरकोटिको घरमा गई हातपात गरेको पिडित नगरकोटिले बताएकि छन ।
रातको समयमा आफनो घरमा आएर कुर्सि फाल्ने साथसाथै आफुमाथि कुटपिट समेत भएको उनले बताइन । पीडितका अनुसार वडा अध्यक्ष थापा सवारि साधनमा आई आफुमाथि हातपात र लछारपछार समेत गरेका थिए ।
वडा अध्यक्षसहित टोलिमा करिव १२,१३ जना रहेको र उनिहरुले मदिरासेवन गरेको पिडितको आरोप छ। वडा अध्यक्ष लगाएतका टिमको हातपात बाट नगरकोटिको देब्रे खुट्टा फ्याक्चर समेत भएको छ।
“वडा अध्यक्ष सहितका ब्यक्तीले कुटपिट गरिरहेको अवस्थामा बुहारी चिच्याएपछि के भयो भन्दै हाम फाल्दै आए” पिडितका ससुरा इन्द्र नगरकोटीले भने । घट्नास्थल पुग्दा वडा अध्यक्ष सहित उनि सगै आएका युवाहरु भागे पनि उनिहरुलाइ पहिचान गरिएको नगरकोटिले बताए ।
बुहारीलाई मार्ने उदेश्यले कुटपिट गरेको र घटनामा वडा अध्यक्ष सहित संलग्न सबैले मदिरासेवन गरि आएको नगरकोटिले आरोप लगाएका छन ।
वडा अध्यक्षले मदिरासेवन गरेका थिए घटनास्थलमा पुगेका असई तिलक नेपालीले बताए ।
नेपालीले आफु त्यस ठाउँमा जादाँ महिलाको खुट्टाबाट रगत बगिरहेको र धेरै होहल्ला मच्चीरहेको उनले बताए । आफुले थप अनुसन्धानको लागि वडा अध्यक्ष सहितको टोलिलाई जिल्ला प्रहरि कार्यलय गुल्मी तम्घास पठाईएको उनले बताए ।
यतिबेला वडा अध्यक्ष लगाएतको टोलिलाई थप अनुुसन्धानको लागि जिल्ला प्रहरी कार्यलय तम्घास गुल्मीमा राखिएको छ ।
पिडित महिलाले न्यायको माग गदै जिल्ला प्रहरी कार्यलयमा जाहेरी दिएकी छन। साथै पिडित महिलाको जिल्ला अस्पताल तम्घासमा उपचार गरिएको हो ।
फेसबुक देखि प्रतिक्रिया दिनुहोस