सुमन गाहा, पाल्पा ३० मंसिर। पाल्पा जिल्लाको माथागढी गाउँपालिका –५ धामिगाउँमा मंगलबार टिप्पर दुर्घटना भएको छ ।
धामिगाउँदेखि चुनढुङ्गा लिई भैरहवातर्फ जाँदै गरेको लु १ क ३५३७ नंम्बरको टिप्पर दिउँसो २ः१५ बजेको समयमा अनियन्त्रित भई सडकदेखि ५० मिटर तल पल्टिँदा दुर्घटना भएको जिल्ला प्रहरी कार्यालयले जनाएको छ । दुर्घटनामा चालक माथागढी गाउँपालिका ५ बस्ने ३२ वर्षीय झमन सिं रेस्मी मगर घाइते हुनुभएको हो ।
उहाँलाई उपचारका लागि देवदह मेडिकल रुपन्देही पठाईएको पाल्पाका प्रहरी निरीक्षक लक्ष्मण पचभैयाले जानकारी दिनुभयो । घाईते चालकको अवस्था गम्भीर रहेको प्रहरीले जनाएको छ ।
फेसबुक देखि प्रतिक्रिया दिनुहोस