प्रधानमन्त्री केपी शर्मा ओलीले मनमोहन अधिकारी प्रधानमन्त्री हुँदा सरकारले ज्येष्ठ नागरिकहरुलाई मासिक १ सय रुपैयाँ वृद्धभत्ता दिने गरेको थियो, त्यत्तिबेला आफू पनि मन्त्री पदमा रहेको बताएका छन् ।
विहीबार (हिजो) अन्तर्राष्ट्रिय ज्येष्ठ नागरिक दिवसका अवसरमा आयोजित भिडियो सम्वाद कार्यक्रममा प्रमुख अतिथिका रुपमा मन्तव्य व्यक्त गर्दै प्रधानमन्त्री ओलीले वृद्धभत्ताको सुरुवाती निर्णयमा आफू सहभागी रहेको बताएका हुन् ।
प्रधानमन्त्री ओलीले हाल ज्येष्ठ नागरिकहरुले पाउँदै आएको ३ हजार भत्तालाई आफ्नै कार्यकालमै मासिक ५ हजार रुपैयाँ बनाउने घोषणा समेत गरेका छन्। ज्येष्ठ नागरिकहरुलाई सरकारले दिइने सेवा सुविधा अझ बढाउने सोचमा हो तर देशको आर्थिक स्थिति अलि कमजोर भएका कारण भनेजस्तो नभएको बताएका छन्। मन छ तर धन छैन भन्दै मन्त्री ओलीले अब भने केही गर्ने बताएका छन्।
फेसबुक देखि प्रतिक्रिया दिनुहोस