असोज १५,काठमाडौं
अहिलेको दसैँ घरमै खसी बोका आउने सुविधा पाइने भएको छ। यसका लागि श्रीराम ग्रुप अफ कम्पनीले दशैंलाई लक्षित गर्दै घरमै जिउँदो खसी पुर्याउने सुविधा ल्याएको छ। अनलाइन खसी डटकमबाट ग्राहकले छनोट गर्न पाउने व्यवस्था अनुसार खसी घरमै पुर्याउने सुविधा कम्पनीले ल्याएको बताइएको छ। यो सेवा काठमाडौं, ललितपुर र भक्तपुरमा मात्र उपलब्ध हुने कम्पनीका बजार व्यवस्थापक ईश्वर ढकालले जानकारी दिनुभयो।
देशभर फैलिएको महामारी कोरोना भाइरसका कारण ग्राहकहरु खसीका लागि हाटबजार जाँदा कोरोनाको डर हुने भएका कारण श्रीराम ग्रुपले यस्तो सेवा सुरु गरेको बताएको छ। ‘दशैंमा खसी घरमै बसी-बसी भन्ने हाम्रो नारा छ। हामी ग्राहकको माग अनुसारको स्वस्थ खसी घरमै पुर्याउँछौँ,’ उहाँले बताउनुभयो।
आफ्नै देशभित्रका खसी बोका जसमा सिन्धुपाल्चोक, नुवाकोट, रामेछाप, उदयपुरमा स्थानीय कृषकले पालेका लोकल खसी कम्पनीले खरिद गरेर कम्पनीको भेटनरी चिकित्सकले त्यसको स्वास्थ्य जाँच गरी ग्राहकको घरमा पुर्याउने बताइएको छ। खसी खरिदका लागि सुरुमा ग्राहकले २५ सय रुपैँया भुक्तानी गर्नुपर्ने र घरमै खसी आएपछि बाँकी रकम तिर्न सकिने ढकालले बताउनुभयो।
फेसबुक देखि प्रतिक्रिया दिनुहोस