प्रधानमन्त्री केपी शर्मा ओलीले ७० करोड काण्डका पुर्व मन्त्री गोकुल बाँस्कोटालाइ फेरि मन्त्री बनाउने भएका छन् ।
ओलीले आफू निकट नेता र मन्त्रीहरुसँग निवर्तमानमन्त्री बाँस्कोटालाई फेरि मन्त्री बनाउनु पर्नेमा जोड दिएका हुन। एक मन्त्रीसँग ओलीले भने, ‘मैले धेरै जोड गरेर अख्तियारमा ल्याएँ । तर, नवीन घिमिरेले त्यो कुरा टुंगो लगाएर जाउँ भनेको मानेनन्, धोका दिए । अब मैले उनलाई मन्त्री बनाउँछु । अख्तियारले निर्णय गर्दैगर्छ ।’
उनी निकटहरुले अख्तियारमा रहेको ७० करोड कमिसनको बार्गेनिङ काण्ड टुंगो लागेपछि मन्त्री बनाउन सुझाव दिए पनि ओलिले भने अहिले नै उनलाई मन्त्री बनाउन चाहेका हुन । बाँस्कोटाले ७० करोड कमिसनको बार्गेनिङ गरेको अडियो बाहिरिएपछि राजीनामा दिएका थिए ।
सरकारले यति राम्रो काम गर्दा पनि अहिलेका मन्त्रीहरुले प्रचार नगरेको भन्दै ओलीले विपक्षीलाई कडा जवाफ दिन सक्ने बाँस्कोटामात्रै भएको बताउँछन् । उनी भन्छन्, ‘गोकुलले मात्र विपक्षीलाई कडा जवाफ दिनसक्छ । सरकारले इतिहासमै सफल काम गर्दा पनि अन्य मन्त्रीहरुले प्रचार गर्न सकेनन् । विपक्षीलाई पनि जवाफ दिन सकेनन् । त्यसैले जे भए पनि यसै पटक बाँस्कोटालाई मन्त्री बनाउनुपर्छ ।’
फेसबुक देखि प्रतिक्रिया दिनुहोस