अब खाडी मुलुक कतारबाट नेपालका लागि एक दिनमा तीन उडान हुने भएका छन्। आगम अक्टोबर १ तारिख (असोज १५) देखि कतारबाट नेपालका लागि दैनिक तीनवटा नियमित उडान हुने भएको हो।
दोहा कतारमा रहेको नेपाली राजदूतावासले
सूचना जारी गर्दै नियमित उडानबारे जानकारी दिएको छ। असोज १५ गते देखि दैनिक रूपमा दोहाबाट नेपाल, हिमालयन तथा कतार एयरवेजले एक एक उडान गर्ने सूचनामा उल्लेख गरिएको छ।
अब भने कतारबाट नेपाल आउन चाहने यात्रुहरूले सम्बन्धित एयरलाइन्सका एजेन्सीहरूबाट टिकट लिएर कोरोनाको पीसीआर परीक्षण गरी ७२ घण्टा भित्रको रिर्पोट नेगेटिभ आएको प्रमाणपत्रको सक्कलप्रति लिएर सिधै उडान गर्न पाउने भएको बताइएको छ। अब दूतावासको फाराम भर्नु नपर्ने र यसअघि फाराम भरिसकेका व्यक्तिले समेत सिधै सम्बन्धित एयरलाइन्सको टिकट खरिद गरेर नेपाल फर्कन पाइने भएको छ।
फेसबुक देखि प्रतिक्रिया दिनुहोस