एसिड प्रहार गर्ने जो कोहीलाई पनि अब २० वर्ष जेल र १० लाख रुपैयाँ जरिवाना हुने भएको बताइएको छ।
सरकारले एसिडबाट हुने अपराध सम्बन्धी छुट्टै अध्यादेश पारित गर्दै एसिड छ्यापेर कसैको मृत्यु भएमा जन्मकैद सजाय हुने र घाइते तथा अंगभंग वा शरीरका कुनै अंगमा क्षति पुऱ्याए २० वर्ष कैद र १० लाख क्षतिपूर्ति भराउने गरी मन्त्रिपरिषद्ले अध्यादेश पारित गरेको कानुन, न्याय तथा संसदीय मन्त्रालयले जनाएको छ ।
मुलुकी अपराध संहिता ऐन २०७४ अनुसार एसिड प्रहारबाट कसैको मृत्यु भएमा जन्मकैद र घाइते, अंगभंग भए अधिकतम ८ वर्षसम्म कैद सजाय हुने व्यवस्था छ ।
पछिल्लो समय नेपालमा एसिड आक्रमणका घटना बढिरहेकाले यसको नियन्त्रणका लागि तेजावसम्बन्धी अध्यादेश पारित गरिएको हो ।
फेसबुक देखि प्रतिक्रिया दिनुहोस