केहीदिनदेखि आएको अबिरल बर्षासँगै तिनाउ नदीमा आएको बाढीले बुटवल उपमहानगरपालिका वडा नम्बर १७ रानीगंजमा एक घर बगाएको छ।
बाढीले आज बिहिबार दिउसो स्थानीय प्रेम कुमारी खाँम्चाको टिनले छाएको चारकोठाको ब्लकले बनाएको एक तले घर बगाएको जिल्ला प्रहरी कार्यालय रुपन्देहीका सुचना अधिकारी खडक बहादुर खत्रीले जानकारी दिनुभएको छ।
उक्त बाढीले भने कुनैपनि मानविय क्षती नभए पनि सोही स्थानका अन्य ४ घर जोखिममा रहेको र त्यी चार घरका समान निकालिएको छ। चार घरका परिवार आफन्तको घरमा गएर बसेका छन्।
तिनाउ नदीले खतराको तह नाघे पछि तिनाउ नदीको तटीय क्षेत्र र आसपासमा रहेका नागरिकहरुलाई उच्च सतर्कता अपनाउन बाढी पूर्वानुमान महाशाखाले आग्रह गरीहरेको छ।
फेसबुक देखि प्रतिक्रिया दिनुहोस