नेपालीका लागि उज्यालो किरण लिएर आएका नेपाल विद्युत प्राधिकरणका कार्यकारी निर्देशक कुलमान घिसिङको कार्यकाल नथपिने भएको छ। हाम्रा सम्माननिय प्रधानमन्त्री केपी शर्मा ओली नै कुलमानलाई अब निरन्तरता दिने पक्षमा हुनुहुन्न।
आफ्नो कार्यकालमा निकै राम्रो काम गरेर सबैको वहा वहा बन्न सफल कुलमान सरको कार्यकाल थप्नका लागि नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले भने धेरै दबाब दिनुभएपनि उहाँको दबाब कसैले सुनेको देखिएकाे छैन।
ऊर्जामन्त्री वर्षमान पुनले पनि कुलमान घिसिङलाई अबको कार्यकाल दिन नखोजेको देखिएकाे छ। तर आज बस्ने मन्त्रीपरिषद्को बैठकमा यसबारे छलफल हुने र निर्णय गर्ने बताइएको छ।
अब पनि कुलमान घिसिङलाई नै कार्यकाल दिनुपर्ने भन्नेमा प्रधानमन्त्री ओलीले कुनै सहमति जनाउनुभएको छैन। स्रोतबाट आएको जानकारी अनुसार पटक पटक एकै जनालाई मौका दिन नहुने भएको उहाँको भनाइ रहेको छ। कुलमान घिसिङको कार्यप्रति आफू सन्तुष्ट नरहेको प्रधानमन्त्री केपी शर्मा ओलीको तर्क रहेको छ। कुलमानले काम भन्दा हल्का धेरै गर्ने गरेका कारण अब उनलाई नै कार्यकाल दिनका लागि प्रधानमन्त्रीको कुनै प्रतिक्रिया आएको छैन।
कुलमान घिसिङको चार वर्षको कार्यकाल अब केही दिन मात्र बाँकी रहेको छ। लोडसेडिङ अन्त गर्नमा कुलमानको ठूलो भूमिका रहेको छ। तर पूर्व कार्यकारी निर्देशक मुकेश काफ्लेले भने कुलमानको कारण लोडसेडिङ अन्त नभएको बताएका छन्। अब प्राधिकरणमा कसलाई नियुक्ति गर्ने भन्नेबारे अन्योल नै रहेको छ। आज बस्ने मन्त्रीपरिषद्को बैठकमा प्रधानमन्त्री केपी शर्मा ओलीले कुनै न कुनै निर्णय गर्ने बताइएको छ।
फेसबुक देखि प्रतिक्रिया दिनुहोस