कोरोना सङ्क्रमण बढ्न सक्ने भन्दै लामो समयदेखि देशभर लकडाउन गरिँदै आएको तथा निषेधाज्ञा गरिएका कारण धेरै परिवार तथा भाडामा बस्ने देखि लिएर व्यवसाय गर्नेहरूलाई यसबाट ठूलो चुनौती थपिएको भन्दै नेपाल राष्ट्रिय व्यवसायी महासङ्घले बैंकको ब्याज र घरभाडा छुट गर्न सरकारसँग माग गरेको छ।
महासङ्घका अध्यक्ष नरेश कटुवालले मंगलबार (आज) एक प्रेस विज्ञप्ति जारी गर्दै लामो समयको बन्दले मर्कामा परेका सबैको बैंकको मात्रै नभइ सहकारी संस्थाहरुबाट व्यवसायीहरुले लिएको ऋणको ब्याजसमेत सरकारले मिनाहा गरिदिनु पर्ने विज्ञप्तिमा उल्लेख गरिएको छ। त्यस्तै उद्योग–व्यवसायहरुको घरभाडा (व्यवसायिक घरभाडा) बन्द भएको अवधिभरको सम्पूर्ण मिनाहाका लागि सरकारसँग माग गरिएको महासंघले जनाएको छ।
फेसबुक देखि प्रतिक्रिया दिनुहोस