समयमा मल उपलब्ध नगराउने आफ्नै घरबेटी ठेकेदार शारदाप्रसाद अधिकारिलाई कारबाही गर्न प्रचण्डले गरेको अनुरोध संगै ठुला ठेकेदारहरुमा रुवाबासी सुरुभएको छ। यो संगै कृषिमन्त्री घनश्याम भुसालको निर्देशनमा दुई नेपाली ठेकदार कम्पनीलाई कृषि सामग्री कम्पनी लिमिटेडले कारबाही गरेको छ।
कारबाही पर्नेमा ठेकदार शारदाप्रसाद अधिकारीको शैलुङ इन्टरप्राइजेज र हुमनाथ कोइरालाको हानोको मल्टिप्रपोज कम्पनी कारबाहीमा परेका हुन्। उनीहरू दुवैको ठेक्का सम्झौता रद्ध गरिएको कृषि मन्त्री घनश्याम भुसालले बताएका छन।
यसै गरि आफ्ना घरबेटी ठेकदारले राज्यलाइ ठगी गरेको बिश्लेषण सहित प्रचण्डले हाल आफू बसिरहेको घर छोड्ने निष्कर्षमा पुगेका छन। एक टिभीसंग कुरा गर्दै उनले आफुले नयाँ घर खोजीरहेको बताएका छन।
घरबेटीले गरेको बदमासीसंग आफ्नो गोरु बेचेको साइनो पनि नभएको भन्दै उनले समय मै काम नगर्ने र गलत काम गर्ने सबैलाइ कारबाही गर्नुपर्ने बताएका छन। नेकपाभित्र एकै खेमाका प्रचण्ड र घनश्यामको यो ‘जोइन्ट एक्सन’ले नेपाली राजनीतिलाइ फेरि एकपटक तताएको छ।
फेसबुक देखि प्रतिक्रिया दिनुहोस