दिएको समयमा रासायनिक मल नल्याएको आरोपमा दुई नेपाली ठेकदार कम्पनीलाई कृषि सामग्री कम्पनी लिमिटेडले कारबाही गरेको छ।
कारबाही पर्नेमा ठेकदार शारदाप्रसाद अधिकारीको शैलुङ इन्टरप्राइजेज र हुमनाथ कोइरालाको हानोको मल्टिप्रपोज कम्पनी कारबाहीमा परेका हुन्। उनीहरू दुवैको ठेक्का सम्झौता रद्ध गरिएको कृषि मन्त्री घनश्याम भुसालले बताउनुभएको छ।
कृषि मन्त्री घनश्याम भुसालले भन्नुभयो, तत्कालका लागि सम्झौता रद्ध गरिएको छ, धरौटी जफत प्रक्रिया अघि बढाइएको छ,’ दुवै कम्पनीलाई थप कानूनी कारबाहीको लागि पनि कम्पनीले तयारी गरिरहेको बताउनुभएको छ। कम्पनीको निर्णयपछि दुवै कम्पनीले राखेको पाँच करोड कार्यसम्पादन धरौटी रकम पनि जफत हुने भएको छ।
पुस महिनाको २८ गते र माघ महिनाको ४ गते ५० हजार मेटि्रकटन युरिया मल ल्याउनका लागि दुई कम्पनीलाई टेण्डर मार्फत ठेक्का दिइएको थियो। यसरी गरिएको सम्झौतामा पहिलो साउन १० गते भित्र युरिया मल ल्याउनु पर्ने थियो भने दोस्रो भदौ महिनाको २० गते सम्म सबै युरिया मल
ल्याइसक्नु पर्ने थियो, तर अहिले सम्म मल नआएको कारण टेण्डर परेका कम्पनीलाई कारबाही गरिएको हो।
फेसबुक देखि प्रतिक्रिया दिनुहोस