भदौ १९/काठमाडौं
महामारीको रुपमा फैलिएको कोरोना भाइरसका कारण शुक्रबार देशभर थप १३ सय ५९ जना कोरोना सङ्क्रमित भेटिएका छन्। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा सो संख्याका संक्रमित थपिएको जानकारी दिनुभएको छ।
नेपालमा अहिले सम्मकै सबैभन्दा धेरै संख्यामा शुक्रबार कोरोना सङ्क्रमित थपिएका हुन्।
त्यस्तै हालसम्म नेपालमा कोरोना संक्रमितको संख्या ४४ हजार २ सय ३६ पुगेको छ, भने पछिल्लो २४ घण्टामा १३ सय ५४ जना कोरोना सङ्क्रमण बाट निको भई घर फर्किएका छन्। नेपालमा कोरोना सङ्क्रमण बाट निको हुनेको संख्या पनि २५५६१ पुगेको छ। पछिल्लो २४ घण्टामा १३६३८ जनाको पिसिआर परीक्षण गरिएको छ। त्यस्तै कोरोना सङ्क्रमणबाट शुक्रबार देशभर मृत्यु थप १४ जनाको मृत्यु भएको छ। कोरोना सङ्क्रमण बाट देशभर अहिले सम्म मृत्यु हुनेको संख्या २ सय ७१ पुगिसकेको छ।
फेसबुक देखि प्रतिक्रिया दिनुहोस