भदौ १०/बुटवल
हामी सबैलाई चिया पिउन धेरै मन पर्छ। तर कस्तो चिया पिउने त! हाम्रो स्वास्थ्यका लागि निकै लाभदायी मानिन्छ अदुवा हालेर बनाएको चिया। चियामा अदुवा हालेर बनाएमा यसले स्वास्थ्यका लागि पनि निकै राम्रो काम गर्छ। अदुवाको चिया पिउनाले हाम्रो पाचक क्रियामा पनि सुधार ल्याउँछ। यदि हामीले कुनै बेला धेरै खाना खायौं भने पनि अदुवाले पचाउन मद्दत गर्छ ।
त्यस्तै अदुवाको चियाले पेटको समस्या समेत कम हुन्छ । यदि कसैको पेटमा जलन हुन्छ भने पनि अदुवाको चियाले जलन कम गर्छ।
#अदुवाको चियाले हामीलाई के के कुरामा फाइदा गर्छ त!
१. हाम्रो मानसिक तनावलाई कमी गर्न पनि अदुवा हालेको चियाले फाइदा गर्छ।
२. महिलामा मासिक धर्मको समस्या छ भने अदुवाका चिया पिउदा त्यसले फाइदा पुग्छ ।
३. अदुवाको चियामा कागती मिसाएर पिउदा शरीरको वजनसमेत कम हुन्छ ।
४.अदुवामा भएको भिटामिन, मिनरल्स तथा अमीनो एसिडले रगत प्रवाहलाई राम्रो बनाउछ ।
५.अदुवाको चियाले शरीरको सवै विकारलाई बाहिर निकाल्छ भने छाला समेत सफा हुन्छ भने अनुहारमा समेत चमक आउँछ ।
अदुवाको चिया पिउनाले फाइदा गर्छ भनेर धेरै मात्रामा अदुवा हालेर चिया पिउनाले समस्या पनि उत्पन्न गराउन सक्छ। त्यसैले कति राख्ने भन्ने अनुमान गरेर मात्र अदुवाको चिया पिउने गर्नुपर्छ।
अदुवालाई नियमित रुपमा चपाएर वा अन्य परिकारमा मिसाएर खाने गर्नाले मांशपेशीको दुखाइ, बाथरोगी तथा जोर्नी दुख्ने विस्तारै कम गरेर हाम्रो मुखबाट आउने नराम्रो गन्धलाई हटाउन समेत मद्दत गर्दछ।
फेसबुक देखि प्रतिक्रिया दिनुहोस