बुटवल । प्रदेश नम्बर ५ सरकार र संसदसचिबालयका लागि खरिद गरिएका गाडीमा अनियमितताबारे अख्तियार दुरुपयोग अनुसन्धान आयोगले छानविन शुरु गरेको छ ।प्रदेशसभाका विभिन्न सभापातिहरु र दलका नेताहरुका लागि खरिद गरिएको टाटा स्ट्रोम कम्पनीका गाडिमा अख्तियारले अनुसन्धान शुरु गरेको हो ।
प्रदेशको सार्बजनिक लेखा समितिले पनि उपसििमति बनाएर यस्को अनुसन्धान गरिरहेको छ । गाडी खरिदमा भएको अनियमितिाबारे अख्तियारमा उजुरी समेत पुगेको थियो । उजुरीलगत्तै अख्तियार दुरुपयोग अनुसन्धान आयोग सम्पर्क कार्यालय बुटवलले अनुसन्धान शुरु गरेको कार्यालयका सुचना अधिकृत सुरेश भुषालले बताए ।उनले भनेर्, सञ्चारमाध्यममा समाचार आएकैबेला हामीकंहा एक उजुरी समेत परेको थियो, त्यसको हामी अनुसन्धान शुरु गरि रहेका छौं।
पुस २७ गते बसेको सार्वजनिक लेखा समितिबाट गठित उपसमितिले कार्यलयमा भएको चारपाङ्ग्रे सवारी साधान खरिद सम्बन्धमा प्राप्त कागजातजहरु अध्ययन गरी प्रारिम्भिक प्रतिवदेन बुझाएको थियो ।. समितिले गाडी खरिद प्रकरणमा नियतमाथि शंका गर्दे ८ पेजको प्रतिबेदन बुझाएको थियो ।एकै समय खरिद गरिएका एउटै ब्रान्डका गाडीको फरक मूल्य चुक्ता गरिनुले नियतमा समस्या देखिएको उपसमिति संयोजक कुलप्रसाद पोखरेलको भनाइ छ । गाडी छनोटको लागत तयार गर्ने इन्जिनियर, कर्मचारी र खरिदकर्तासँग थप शोधपुछ गर्नुुपर्ने उनले बताए । ‘अझै समय र जनशक्ति जुटाएर अध्ययन गरेपछि थप तथ्य बाहिर आउनेछ,’ उनले भने ।
सार्वजनिक लेखा समिति सभापति डिल्ली चौधरी र नेपाली कांग्रेस संसदीय दलका नेता बलदेव शर्मा पोखरेलले गाडी सचिबालयलाइ फिर्ता गरेका थिए । प्रदेशसभा सचिबालयका लागि १३ वटा गाडी खरिद मध्ये ११ वटा गाडी टाटा स्टोम खरिद भएका छन् । ती गाडिहरु बजार मुल्य भन्दा झण्डै ३ देखि ५ लाख महंगो मुल्यमा खरिद गरिएकोछ । प्रदेश सभा र प्रदेश सरकारका लागि २२ करोड ७५ लाख ५७ हजार ९ सय ९९ रुपैयाँका गाडी खरिद भएका छन् । टाटा स्ट्रोम गाडी खरिदमा तीन थरी मूल्य देखिएको थियो । प्रदेशसभामा खरिद गरिएका गाडीको मूल्य एउटाको ७१ लाख ९५ हजार छ भने भूमि व्यवस्था कृषि तथा सहकारी मन्त्रालयमा ७२ लाख ९९ हजार र उद्योग, पर्यटन, वन तथा वातावरण मन्त्रालयमा ७२ लाख ४२ हजारमा खरिद गरिएको छ ।
फेसबुक देखि प्रतिक्रिया दिनुहोस