images

कविता

नयाँ बर्षको शुभकामना - कविता

नयाँ बर्षको शुभकामना - कविता

  • चैत्र ३१, २०७७ मंगलवार १९:५३ बजे
  • 3.6K
    SHARES
  • images
    नयाँ बर्षको शुभकामना - कविता

    नयाँ बर्षको शुभकामना 

    images

    देशको धुरी खाँबो नढलोस
    राजनीतिमा रास्ट्रवाद नमरोस
    नजलुन सुकुम्बासीका झुपडीहरु
    नमारुन हुकुम्बासिले थपडीहरु ।
    नचुलियोस वर्गिय असमानताका खाडल
    नबढारियोस गरिबका आँगनहरु ।

    नबढोस गरिबिका चुलिहरु 
    नचढोस सोझा-सिधा सुलिहरु
    नचलुन स्वार्थका छुरीहरु 
    नआउन भ्रष्टाचारका हुरिहरु 
    नढलुन जनआस्थाका धुरीहरु 
    नपाकुन रास्ट्रघातका पुरीहरु।

    बनिरहोस भातृयता
    रहिरहोस आत्मियता
    नमरोस गरिबिका आशाहरु
    नझरोस चुलिएका भरोसाहरु ।
    नपरोस परदेशमा कसैले मर्न
    नपरोस घरदेशमा कसैले जल्न ।

    ननिभोस चुलोमा आगो
    नचुढियोस सम्बन्धको धागो
    बैनिहरु हाँसी रहुन
    भाईहरु नाँची रहुन
    फुलिरहोस फुलहरु
    डुलिरहोस भवँराहरु 
    झुलिरहोस धानहरु 
    चुलिरहोस मानहरु ।

    टुटफुट नहोस दलमा
    लुटपाट नहोस देशमा 
    पत्रकारले भ्रम नछरोस
    जनताको श्रम नमरोस
    कोरोना हट्दै जाओस
    करुणा जाग्दै आओस
    पशुपतिनाथ, गुहेश्वरी, माता मनकामना 
    २०७८ सालको सबैमा हार्दिक शुभकामना ।

    ✍️ रामचन्द्र तिम्सिना (आवाज)

    images
  • सम्बन्धित विषय:

  • # रामचन्द्र तिम्सिना

  • सेतोमसी

    सम्बन्धित समाचार

    Copyright © All right reserved to setomasi.com